Viloyat hamda tuman hokimligi, okrug qo’mondonligi, barcha kuch tuzilmalari rahbarlari, harbiy xizmatchilar, nuroniylar, keng jamoatchilik vakillari hamda ko’plab shahrisabzlik yoshlar ishtirokida Amir Temur jangovar bayrog’i Ko‘k gumbaz masjidi oldidan xiyobon bo‘ylab Sohibqiron haykali poyiga qadar faxriy qorovul hamrohligida tantanali olib o’tildi.

Tantanali tadbirda so‘z olganlar – mukofotni qo‘lga kiritishdagi mashaqqat xususida to‘xtalib, ushbu bayroq harbiylarning ajdodlarga munosib voris o‘laroq bukilmas iroda, yuksak sadoqat egasi sifatida namoyon etishini ta’kidladilar.

Harbiy xizmatchilar tomonidan tayyorlangan qo‘l jangi elementlari hamda faxriy qorovulning qurol bilan ko‘rgazmali chiqishlari shahrisabzlik yoshlar uchun unutilmas lahzalarni hadya etdi.

Navbatdagi manzil Shahrisabz shahrida joylashgan "Temurbeklar maktabi" harbiy akademik litseyi bo‘ldi. Unda jangovar bayroqda aks etgan ramzlarning mazmun mohiyati, uning harbiy xizmatchilar ruhiyatini ko‘tarishda tutgan o‘rni borasida ma’lumotlar berildi.
Janubi-g‘arbiy maxsus harbiy okrug matbuot xizmati