Nukus garnizonida Muvofiqlashtiruvchi kengash yigʻilishi boʻlib oʻtdi
2025-01-19 12:50:00 / Yangiliklar
Kengash ishiga Nukus harbiy prokurori raislik qildi. Shuningdek, yigʻilishda Shimoli-gʻarbiy harbiy okrug qoʻshinlari qoʻmondonligi, Qoraqalpogʻiston Respublikasidagi kuch tuzilmalari hamda huquq-tartibot idoralari vakillari, Nukus garnizoni hududida joylashgan barcha harbiy qism va muassasalar komandirlari va ularning oʻrinbosarlari, jismoniy va yuridik shaxslarning murojaatlari bilan ishlashga masʼul ofitserlar ishtirok etdi.
Muvofiqlashtiruvchi kengashda 2024-yil davomida Nukus garnizonida joylashgan harbiy qism va muassasalarda qonuniylikni mustahkamlash, harbiy xizmatchilar hamda fuqarolarning huquq va erkinliklarini muhofaza qilish, jinoyatchilik va huquqbuzarliklarning oldini olish borasidagi faoliyat muhokama qilinib, kelgusida amalga oshirilishi lozim boʻlgan vazifalar yuzasidan tegishli chora-tadbirlar belgilab berildi.
Kengash yigʻilishi yakuni boʻyicha tegishli qaror qabul qilindi.
Shimoli-gʻarbiy harbiy okrug matbuot xizmati