Askar ota-onalarini sharaflaymiz
2025-01-08 15:30:00 / Yangiliklar
Toshkent harbiy okrugi qo‘mondonligi, Jamoatchilik kengashi, Xotin-qizlar bilan ishlash bo‘limi hamkorligida “Yangi Oʻzbekiston armiyasi – mamlakat tayanchi, xalqimiz faxri!” shiori ostida oʻtkazilgan tadbirga Jamoatchilik kengashi raisi, kengash aʼzolari, Qurolli Kuchlar faxriylari taklif etildi.
Tadbir davomida ota-onalar farzandlari bilan teleko‘prik orqali diydorlashish bilan bir qatorda, ko‘zlarida sevinch yoshlari bilan dilbandiga omad va zafarlar tilab qolishdi. Askarlar ham endi kechagi erka bola emas, balki egnidagi harbiy libosiga yarashiq so‘zi bor, haqiqiy Vatan o‘g‘loni bo‘lgani suhbat davomida sezilib turdi.
Tadbirning madaniy-maʼrifiy qismida onalarni ulugʻlovchi sheʼr, milliy armiyamizga berilgan taʼrif barchaga koʻtarinki kayfiyat bagʻishladi.
Videomuloqot yakunida bilimi, namunali xulqi va harbiy qismdagi faolligi bilan ajralib turgan askarlarning ota-onalari okrug qo‘mondonligining tashakkurnomalari bilan taqdirlandi.
Toshkent harbiy okrugi matbuot xizmati