Qashqadaryoda yangi binolar foydalanishga topshirildi
2025-01-07 18:40:00 / Yangiliklar
Qashqadaryo viloyati Gʻuzor tumanida joylashgan harbiy qismda yangi zamonaviy tarzda barpo etilgan “Oshxona” va “Avtosaroy” foydalanishga topshirildi.
Tantanali ochilish marosimida Mudofaa vazirligiga qarashli qoʻmondonlik, tuman hokimligi, davlat va jamoat tashkiloti vakillari ishtirok etib, Qurolli Kuchlarimizning 33 yilligi va Vatan himoyachilari kuni arafasida topshirilayotgan yangi binolar haqiqiy bayram tuhfasi bo‘lganini ta’kidlab o‘tishdi.
Shundan so‘ng mehmonlar yangi binolarda yaratilgan sharoitlar va harbiy qismning muzeyidagi eksponat va ma’lumotlar bilan yaqindan tanishishdi.
Tadbir soʻngida qurilish va ta’mirlash ishlarida faol ishtirok etgan pudratchi va bir guruh harbiy xizmatchilarga qimmatbaho sovgʻalar topshirildi.
Mudofaa vazirlogi Axborot va ommaviy kommunikatsiyalar departamenti