Shimolda “Posboniman muqaddas yurtning!” mavzusida badiiy asarlar tanlovi oʻtkazildi
2025-01-07 17:30:00 / Yangiliklar
Yoshlarni vatanparvarlik ruhida tarbiyalash, ularga milliy armiyamizdan faxrlanish tuygʻularini singdirish kabi ezgu gʻoyalarni oʻzida mujassamlashtirgan tanlovda Nukus va Urganch garnizonlaridan adabiyotdan yiroq boʻlmagan havaskor ijodkor harbiy xizmatchilar ishtirok etdi.
Tanlovda ishtirokchilar “Eng yaxshi sheʼr”, “Eng yaxshi insho” va “Eng yaxshi hikoya” nominatsiyalari boʻyicha ijod namunalari bilan qatnashib, milliy armiyamiz askarlarining intellektual salohiyati, bilimi, iqtidori yuksakligini namoyon eta olishdi.
Yigirmadan ortiq ishtirokchining ishlari qabul qilingan adabiyot maydonida eng yaxshi deb topilgan ijodiy ishlar saralanib, adolat va shaffoflik tamoyillari asosida baholandi va gʻoliblikni qoʻlga kiritgan ishtirokchilar harbiy okrug qoʻmondonligining faxriy yorligʻi va esdalik sovgʻalari bilan taqdirlandi.
Shimoli-gʻarbiy harbiy okrug matbuot xizmati