Qashqadaryoda vatanparvarlik sinfi ochildi
2025-01-06 13:30:00 / Yangiliklar
Yoshlar har bir yurtning boyligi va kuch-qudrati manbaidir. Bugungi kunda Prezidentimiz rahbarligida yoshlarga oid davlat siyosati ularni zamonaviy bilimli, maqsadli va mas’uliyatli avlod sifatida tarbiyalashga qaratilgan.
Mamlakatimiz yoshlarini harbiy vatanparvarlik ruhida tarbiyalash va tinchlikni asrab-avaylashga undash maqsadida keng ko‘lamli ishlar amalga oshirilmoqda. Xususan, Qarshi shahridagi Mudofaa vazirligiga qarashli harbiy qismga biriktirilgan 14-sonli umumiy o‘rta ta’lim maktabida Vatanparvarlik sinfi yangidan jihozlanib, 14-yanvar – Vatan himoyachilari kuni arafasida o‘quvchilarga topshirildi.
Tadbir davomida “Qo‘mondon va yoshlar uchrashuvi” tashkil etilib, yoshlarning muammolari muhokama qilindi va ularni qiziqtirgan savollarga hayotiy javoblar berildi.
Yakunda faol o‘quvchilarga diplom va esdalik sovg‘alari topshirildi.
Mudofaa vazirligi Axborot va ommaviy kommunikatsiyalar departamenti