Qashqadaryoda “Madaniyat markazi” va “Avtosaroy” foydalanishga topshirildi
2025-01-04 17:20:00 / Yangiliklar
Tantanali ochilish marosimida Mudofaa vazirligiga qarashli qo‘mondonlik, tuman hokimligi, Muborak gazni qayta ishlash zavodi rahbariyati, nuroniylar va yoshlar ishtirok etdi.
Mehmonlar zamon talablariga mos ravishda yangidan barpo etilgan 200 o‘ringa ega bo‘lgan “Madaniyat markazi” hamda “Avtosaroy”da yaratilgan qulayliklar bilan yaqindan tanishib, bunday inshootlar harbiy xizmatchilarga bayram tuhfasi bo‘lganini e’tirof etishdi.
Shuningdek harbiy qismga tashrif buyurgan mehmonlar Amir Temur va Jaloliddin Manguberdi tematik sinflarida harbiy xizmatchilarning farzandlari va mahaliy yoshlar uchun tashkil etilgan turli to‘garaklarning faoliyatlari bilan ham yaqindan tanishish imkoniyatiga ega bo‘lishdi.
Tadbir yakunida qurilish jarayonlarida faol ishtirok etgan hamda xizmat vazifasini sitqidildan bajarib kelayotgan bir guruh harbiy xizmatchilarga esdalik sovg‘alari topshirildi.
Mudofaa vazirligi Axborot va ommaviy kommunikatsiyalar departamenti