Xususan, Navoiy viloyatining Navoiy shahri va Konimex tumanida, Jizzax viloyatining Sharof Rashidov tumanida vatanparvarlik festivallari o‘tkazilgan bo‘lsa, Samarqand garnizonidagi harbiy qismda otaliqqa olingan yoshlar ishtirokida “Harbiy qismda bir kun” loyihasi tashkil etildi.
Festivallarda soʻzga chiqqan faxriylar mudofaa tizimida amalga oshirilayotgan islohotlarning mazmun-mohiyati, samaralari, harbiy xizmatchilar hayoti, ularga yaratilayotgan shart-sharoitlar haqida toʻxtalib, yoshlarni yurt tinchligi, uni himoya qilishga munosib hissa qoʻshishi lozimligini aytib oʻtishdi.

Shundan so‘ng hushovoz xonandalar, harbiy orketsr jamoalari hamda iste’dodli yoshlar ijrosidagi Vatanni madh etuvchi kuy-qoʻshiqlar yosh-u qarini birdek toʻlqinlantirdi.

Ayniqsa, harbiy xizmatchilar tomonidan namoyish etilgan turli sahna ko‘rinishlari hamda turli sport musobaqalari ertamiz egalarining qalbida unutilmas lahzalarni baxsh etdi.

Markaziy harbiy okrug matbuot xizmati