Tantanali tadbirda Mudofaa vazirligiga qarashli qo‘mondonlik, tuman hokimligi, Buxoro neftni qayta ishlash zavodi, harbiy prokuratura xodimlari, nuroniylar va yoshlar ishtirok etishdi.

Tadbirda so‘z chiqqanlar kelgusida ushbu majmuada nafaqat harbiy xizmatchilar, balki ularning farzandlari hamda yoshlar jismoniy tayyorgarlik bilan muntazam shug‘ullanib, haqiqiy vatanparvar sportchilar bo‘lib yetishib chiqishlariga umid bildirishdi.

Ushbu sport majmuasida sportning futbol, voleybol, basketbol, stol tennisi, badminton, uzunlikka sakrash va majmuaviy kuch mashqlarini bajarishlari uchun barcha shart-sharoitlar yaratilgan.

Tadbir davomida ushbu sport majmuasini bunyod qilishda faol qatnashgan hamda xizmat vazifasini sitqidildan bajarib kelayotgan bir guruh harbiy xizmatchilarga navbatdagi harbiy unvonlar hamda qo‘mondonlikning esdalik sovg‘alari topshirildi.
Mudofaa vazirligi Axborot va ommaviy kommunikatsiyalar departamenti