Samarqand va Jizzax garnizonlarida Muvofiqlashtiruvchi kengashning sarhisob yig‘ilishi bo‘lib o‘tdi
2025-01-03 16:20:00 / Yangiliklar
Unda Markaziy harbiy okrug qo‘mondonligi, Samarqand va Jizzax harbiy prokuraturasi xodimlari hamda harbiy qism va muassasalar mas’ul ofitserlari ishtirok etdi.
Yig‘ilish avvalida harbiy prokuratura xodimlarining garnizonlarda joylashgan harbiy qism va muassasalarda qonuniylikni mustahkamlash, harbiy xizmatchilar hamda fuqarolarning huquq va erkinliklarini muhofaza qilish, jinoyatchilik va huquqbuzarliklarning oldini olish borasidagi hisobotlari tinglandi.
Tahliliy va tanqidiy ruhda o‘tgan yig‘ilishda jinoyatchilikka qarshi kurashish va uning oldini olish maqsadida huquqbuzarliklar holatini muntazam tahlil qilib, amaliy tadbirlarni rejali, maqsadli va samarali olib borish, shaxsiy tarkibning huquqiy ongi va madaniyatini yanada yuksaltirish zarurligi ta’kidlandi.
Muvofiqlashtiruvchi kengash yig‘ilishi davomida mansabdor shaxslarning hisobotlari tinglanib, yakunda ko‘rib chiqilgan masalalar yuzasidan tegishli qarorlar qabul qilindi.
Markaziy harbiy okrug matbuot xizmati