Askarlar yaqinlari bilan samimiy muloqot qilishdi
2025-01-03 13:35:00 / Yangiliklar
Qurolli Kuchlarimiz tashkil etilganining 33 yilligi hamda Vatan himoyachilari kuni munosabati bilan tashkil etilgan teleko‘prik jarayonida Farg‘ona viloyatidan Jizzax garnizonida xizmat qilayotgan, shuningdek, Jizzax viloyatidan Farg‘ona garnizonida o‘z burchini ado etayotgan yigitlar va ularning yaqinlari samimiy muloqot o‘tkazishdi.
“Askar ota-onalarini sharaflaymiz” deb nomlangan ushbu tadbirda ota-onalar farzandlariga ishonch va faxr bilan tilaklar bildirishdi. Ular farzandlarining nafaqat yaxshi xizmat qilayotganini, balki askarlikda chinakam mardlik va masʼuliyatni o‘zlashtirganini his qilishdi.
Uchrashuvda muddatli harbiy xizmatchilar Vatan himoyachisi bo‘lish qanday ulug‘ vazifa ekanini taʼkidlashdi.
Tadbir yakunida harbiy qismlarda na’munali xizmat burchini o‘tayotgan Sharqiy harbiy okrug qo‘mondonligi tashakkurnomasi va esdalik sovg‘alari topshirildi.
Sharqiy harbiy okrug matbuot xizmati