Surxondaryoda vatanparvarlik festivali sport musobaqalariga ulandi
2025-01-03 12:40:00 / Yangiliklar
Xususan, Sho‘rchi tumanida joylashgan 122-sonli kar va zaif eshituvchi bolalar uchun ixtisoslashtirilgan maktab internatida nogironligi bo‘lgan shaxslarni ijtimoiy hayotning barcha sohalarida himoya qilish, ularning muammolariga keng jamoatchilik e’tiborini jalb etish maqsadida madaniy-ma’rifiy tadbir tashkil etildi.
Unda Xayraobod garnizonidagi harbiy qism, Milliy gvardiya viloyat boshqarmasi harbiy xizmatchilari, faxriylar hamda jamoatchilik kengashi vakillari ishtirok etishdi.
Tadbirda soֲ‘z olganlar mehr-muruvvatli bag‘rikeng xalqimiz azal-azaldan yordamga muhtoj, imkoniyati cheklangan insonlarga e’tibor va g‘amxo‘rlik ko‘rsatishni jamiyatda tinchlik, do‘stlik va hamjihatlikni mustahkamlashga xizmat qiladigan eng muhim qadriyatlardan biri sifatida e’zozlab kelayotganligini e’tirof etib, davolanuvchilariga mustahkam sog‘liq tilashdi.
Harbiy xizmatchilarning qo‘l jangi sahnalari va san’atsevar yoshlar tomonidan tayyorlangan konsert dasturlari murg‘ak qalb egalariga bayramona kayfiyat ulashgan bo‘lsa, bolajonlar o‘rtasida o‘tkazilgan shaxmat va kamondan o‘q otish musobaqalari esa tashkillotchilarning tashakkurnomasi va esdalik sovg‘alariga ega bo‘lishiga sabab bo‘ldi.
III darajali serjant Akbar Ahmedov
Termiz garnizoni