Nukusda “Mening armiyam – mening faxrim” mavzudagi rasmlar tanlovining okrug bosqichi bo‘lib o‘tdi
2024-12-30 15:15:00 / Yangiliklar
Nukus garnizoni Maʼnaviyat va maʼrifat markazida tashkil etilgan tanlovda tasviriy sanʼatdan xabari bor qobiliyatli askarlar, Jollibay Izentayev nomidagi Qoraqalpogʻiston Respublikasi ixtisoslashtirilgan sanʼat maktab-internatining bir guruh oʻquvchi-yoshlari ishtirok etishdi.
Havaskor ijodkorlarning 30 dan ortiq ijodiy ishlari saralanib, eng yaxshi deb topilgan harbiy mavzudagi rasm egalari Shimoli-gʻarbiy harbiy okrug qoʻmondonligi tomonidan ragʻbatlantirildi. Gʻolib va sovrindorlarning ijodiy ishlari tanlovning final bosqichida ishtirok etish uchun yoʻnaltiriladi.
Eslatib oʻtamiz, tanlov anʼanaviy tusda, 14-yanvar – Vatan himoyachilari kuni bayrami arafasida Oʻzbekiston Badiiy akademiyasi, Respublika Maʼnaviyat va maʼrifat markazi hamda Qurolli Kuchlar tarkibiga kiruvchi vazirlik va idoralar hamkorligida tashkil etib kelinmoqda.
Shimoli-gʻarbiy harbiy okrug matbuot xizmati