Bu yilgi Yangi yil tantanalarida samarqandlik 569 nafar ijtimoiy himoyaga muhtoj bola uchun Prezident sovg‘alari keldi. E’tiborlisi, bu galgi sovg‘alar oldingilaridan boshqacha – o‘quv qurollari, shirinliklardan tashqari, bolalar xohlagan o‘yinchoqlar jo‘natildi.

“Prezident archasi” tadbirlari bayram dasturxoni atrofida davom etdi. Unda viloyat hokimligi va Markaziy harbiy okrug qo‘mondonligi ishtirok etib Samarqand viloyatidagi ota-ona qaramog‘idan mahrum bo‘lgan, bolalar va oilaviy bolalar uylari, yurtimiz tinchligi yo‘lida qurbon bo‘lgan huquqni muhofaza qiluvchi organlar xodimlarining farzandlariga Prezidentimizning yuborgan sovg‘alarini tantanali ravishda topshirdi.

Tadbir bayram tomoshalari bilan davom etdi. Turli ertak qahramonlari ishtirokidagi konsert dasturi bolajonlarga unitilmas shodliklar ulashdi.

Markaziy harbiy okrug matbuot xizmati