Sharqiy harbiy okrug bo‘ylab Harbiy kengashning yil yakuniga bag‘ishlangan yig‘ilishlar o‘tkazildi
2024-12-29 15:55:00 / Yangiliklar
Sharqiy harbiy okrug qoʻshinlari qoʻmondoni raisligida o‘tkazilgan yig‘ilishlarda Farg‘ona, Namangan va Andijon viloyat hokimliklarii, Ichki ishlar vazirligi, Favqulodda vaziyatlar vazirligi, Milliy gvardiya qo‘mondonligi, Davlat xavfsizlik xizmati, DXX Chegara qoʻshinlari, Bojxona qoʻmitasi hududiy idoralari, viloyat va harbiy prokuratura hamda harbiy qism va muassasalarning masʼullari ishtirok etdi.
Kengash yig‘ilishida O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev raisligida joriy yil 12-yanvar kuni Xavfsizlik kengashining kengaytirilgan yig‘ilishida belgilangan vazifalar ijrosi, Farg‘ona, Namangan, Andijon viloyatlari harbiy-ma’muriy sektor tomonidan amalga oshirilgan ishlar hamda yil yakuni bo‘yicha Harbiy kengash faoliyati muhokama qilindi.
Yig‘ilishlarda kuch tuzilmalari va mahalliy davlat hokimiyati organlarining hamkorligini kuchaytirish, aholining ijtimoiy himoyasini oʻrganish va ularga koʻmaklashish, yoshlarni harbiy-vatanparvarlik ruhi tarbiyalashga qaratilgan tadbirlarni muntazam oʻtkazish boʻyicha mutasaddi rahbarlarning taklif va tavsiyalari tinglandi.
Shuningdek, yig‘ilishlar davomida 2024-yil yakuni va 2025-yilda muddatli harbiy xizmat va safarbarlik chaqiruvi rezervi xizmatiga chaqirish tadbirlariga “Mahalla yettiligi”ni jalb etish, biriktirilgan yoshlar, jasorat maktablari, umumiy o‘rta ta’lim maktablarida yaratilgan Chaqiruvga qadar boshlang‘ich tayyorgarlik sinflari holati kabi dolzarb masalalar ko‘rib chiqildi.
Harbiy kengash yig‘ilishi yakuni boʻyicha vazifalar belgilanib, tegishli qarorlar qabul qilindi.
Sharqiy harbiy okrug matbuot xizmati