O‘quvchi-yoshlar harbiylashtirilgan musobaqalarda bellashdi
2024-12-28 19:45:00 / Yangiliklar
Musobaqada maktab o‘quvchilari jismoniy mahorat va aql-zakovatni talab qiluvchi turli sport yo‘nalishlarida bellashdi. Arqon tortish jamoaviy birdamlik va kuch talab qilgan bo‘lsa, o‘q otish bellashuvi yoshlarning diqqatni jamlay olish va aniqlik qobiliyatini namoyon qildi. Turnikda tortilish esa ishtirokchilarning jismoniy tayyorgarligi va chidamliligini sinovdan o‘tkazdi. Bundan tashqari, “Zakovat” intellektual o‘yinida o‘quvchilar o‘z bilimlari va mantiqiy fikrlash qobiliyatini namoyish etish imkoniga ega bo‘lishdi.
Musobaqalar yakunida eng yaxshi natija ko‘rsatgan ishtirokchilar va jamoalar alohida eʼtirof etildi. G‘oliblar Namangan garnizonidagi harbiy qism tomonidan diplomlar, esdalik sovg‘alari va faxriy yorliqlar bilan taqdirlandi.
Sharqiy harbiy okrug matbuot xizmati