Olis hududlarda Vatanparvarlik targ‘iboti
2024-12-28 13:15:00 / Yangiliklar
Markaziy harbiy okrugning Jizzax, Samarqand, Navoiy va Kattaqo‘rg‘on garnizonlarida O‘zbekiston Respublikasi Qurolli Kuchlari tashkil etilganining 33 yilligi hamda 14-yanvar — Vatan himoyachilari kuni munosabati bilan “Yangi O‘zbekiston armiyasi — mamlakat tayanchi, xalqimiz faxri!” shiori ostida vatanparvarlik festivallari tashkil etildi.
Bayramona festival davomida yurt himoyachilari va yoshlardan iborat harbiy vatanparvarlik karvonining olis hududlar ko‘chalari bo‘ylab marsh yurishi bilan boshlandi. Harbiy orkestrning jarangdor kuy-sadolari va ona Vatanni madh etuvchi qo‘shiqlari yurtdoshlarimiz qalbida Vatanga sadoqat tuyg‘ularini uyg‘otdi.
Tadbirlarda faxriy qorovul va qo‘l jangi ko‘rgazmali chiqishlari, shuningdek, qurol-aslaha namoyishlari aholi va yoshlarda katta qiziqish uyg‘otdi. Ularga, milliy armiyamizda yaratilgan shart-sharoitlar, Qurolli Kuchlarda amalga oshirilayotgan islohotlar hamda harbiy xizmatchilar va yoshlarga berilayotgan imtiyozlar haqida batafsil ma’lumotlar ham taqdim etildi.
Markaziy harbiy okrug matbuot xizmati