Surxondaryoda "Yangi O‘zbekiston armiyasi — mamlakat tayanchi, xalqimiz faxri!" shiori ostida harbiy vatanparvarlik festivali bo‘lib o‘tdi
2024-12-28 10:10:00 / Yangiliklar
Xususan, Termiz va Xayrobod garnizonlarida joylashgan harbiy qismlar harbiy xizmatchilari hamda harbiy orkestr jamoalaridan iborat "Vatanparvarlik karvoni" Angor tumanining olis hududlaridan biri — "Ulug‘bek" MFYga tashrif buyurib, minglab aholi va yoshlarni bir joyga jamladi. Ular yurish marofoni orqali 7-umumiy o‘rta ta’lim maktabiga yetib bordi.
Harbiy orkestr jamoasining bayramona kayfiyat ulashuvchi kuy va qo‘shiqlari barcha yig‘ilganlarning dillarini hushnud qilgan bo‘lsa, Qurolli Kuchlar salohiyati hamda yoshlarni vatanparvarlik ruhida tarbiyalash va ularni barkamol shaxs sifatida kamol toptirishda ajdodlarimizning ko‘rsatgan jasoratlari haqidagi sahna ko‘rinishlari barchaning qalbida faxr va iftixor tuyg‘ularini uyg‘otdi.
Umuman olganda, harbiy vatanparvarlikka yo‘g‘rilgan festivallar va uchrashuvlar xalq va armiyaning bir-biriga naqadar yaqin va mushtarak ekanini yana bir bor anglashga, shuningdek, uni har qachongidan ham teran his etish imkonini bermoqda.
III darajali serjant Akbar Ahmedov, Termiz garnizoni