Vatanning fidoyi o‘g‘lonlarini farzandlariga bayram sovg‘alari ulashildi
2024-12-27 20:20:00 / Yangiliklar
Bezatilgan archa atrofida jam boʻlgan bolajonlar, ertak qahramonlari ishtirokidagi teatrlashtirilgan sahna koʻrinishlarini tomosha qilishdi. Ulkan yangi yil archasi atrofida harbiy orkestr va Markaziy ashula va raqs ansamblining kuy – qoʻshiqlari jozibali raqslarga ulanib ketdi.
Bolajonlar kayfiyatiga yanada koʻtaringkilik ulashish uchun ularga Prezident sovgʻasi tarqatildi. Ahdiga sodiq harbiylarning farzandlariga ajratilgan sovgʻalarni Mudofaa vaziri oʻrinbosari hamda Respublika harbiy prokurori oʻrinbosari topshirdi.
Tadbirda soʻz olganlar, yurt tinchligi yoʻlida oʻz ahdiga sodiqlarni Vatan ham unitmasligini, farzandlarining kelajagi ishonchli qoʻllarda ekanligiga urgʻu berishdi. Bugun sovgʻalar ulashilgan bolajonlarning, qaysi soha vakili boʻlib yetishidan qatʼiy nazar, ularni Vatan hech qachon yolgʻizlatib qoʻymasligi taʼkidlandi.
Mudofaa vazirligi Axborot va ommaviy kommunikatsiyalar departamenti