Harbiy orkestr jamoalari poytaxtimiz bo‘ylab yurtdoshlarimizga bayram shukuhini ulashmoqda
2024-12-27 18:30:00 / Yangiliklar
Bugungi kunda mamalakatimiz bo‘ylab yangi yil shukuhi hukm surmoqda. Poytaxtimiz aholisi va mehmonlarga bayram kayfiyatini ulashish maqsadida Mudofaa vazirligiga qarashli qo‘mondonlik tashabbusi bilan Yunusobod tumani hokimyati va huquqni muhofaza qiluvchuvchi organlari bilan hamkorlikda “Yangi O‘zbekiston armiyasi – mamlakat tayanchi, xalqimiz faxri!” shiori ostida harbiy vatanparvarlik festivali bo‘lib o‘tdi.
Tuman hokimligidan boshlab ezgu maqsadlari sari yo‘lga chiqqan qorbobo libosidagi harbiy orkestr jamoalari hamda harbiy xizmatchilar maktabgacha ta’lim tashkiloti hamda internat uylariga sovg‘a salomlar bilan bayram shukuhini olib kirishdi.
Xususan, jajji bolajonlar uchun faxriy qorovulning ko‘rgazmali chiqishlari hamda harbiy orkestrning konsert dasturini namoyish etilgani ularga bir olam quvonch baxsh etdi.
Shuningdek, tumanning 1-sektorida joylashgan mahalla fuqarollar yig’inlari hududlarida davom etgan tadbirlarida yosh-u qari birdek zavqlanishdi.
Mudofaa vazirligi Axborot va ommaviy kommunikatsiyalar departamenti