O‘zbekiston Respublikasi Mudofaa vazirligi

Dastavval tadbirda so‘z olganlar yurtimizda yoshlar uchun yaratilgan imkoniyatlar, yoshlarning maʼnaviy-ruhiy kamoloti, jamiyatimizning buguni va kelajak hayotida ularning tutgan o‘rni masalalari yuzasidan fikr yuritishdi.

Shundan so‘ng harbiy orkestr tomonidan ijro etilgan jo‘shqin kuy va qo‘shiqlar bog‘ni yorqin ohanglarga to‘ldirib, faxriy qorovulning mahorat bilan namoyish etgan chiqishlari barchaning diqqat markazida bo‘ldi. Ularning har bir harakati, intizomi va qat’iyatliligi tomoshabinlarda unutilmas lahzalarni hadya etdi.

Kunning eng hayajonli lahzalaridan biri harbiylar tomonidan namoyish etilgan qo‘l jangi chiqishlari bo‘ldi. Harbiylar o‘z mahoratlari va jangovar tayyorgarliklarini ko‘rsatib, qiyin vaziyatlarda qanday harakat qilishni mahorat bilan namoyish etdilar. Vatanparvarlik va O‘zbekiston Qurolli Kuchlariga bo‘lgan hurmatni yanada oshirishga qaratilgan qurol-aslahalar va harbiy texnikalar ko‘rgazmalari yoshlarni harbiylik sohasiga bo‘lgan qiziqishini kuchayishiga xizmat qildi.

“Yangi O‘zbekiston armiyasi – mamlakat tayanchi, xalqimiz faxri!” shiori ostida o‘tgan tadbir Namangan ahli va mehmonlari uchun nafaqat bayramona kayfiyat ulashdi, balki har bir yurtdoshimizda ona Vatanga bo‘lgan faxr tuyg‘usini yana bir bor yuksaltirdi. Bu kabi tadbirlar yoshlarimizni vatanparvarlik ruhida tarbiyalashda muhim ahamiyatga ega bo‘lib, Qurolli Kuchlarimizning xalq bilan birdamligini ko‘rsatib beradi.

Sharqiy harbiy okrug matbuot xizmati