O‘zbekiston Respublikasi Mudofaa vazirligi

Unda okrug boshqaruv apparati ofitserlari, faxriy harbiylar, muddatli harbiy xizmatchilar, viloyatdagi kuch tuzilmalari vakillari, oliy harbiy bilim yurtlarining o‘qituvchilari, mahallalarda faoliyat yurutib kelayotgan yoshlar yetakchilari hamda bir guruh talabalar ishtirok etishdi.

Anjuman avvalida ko‘p yillik tajribaga ega ustozlar, fan  nomzodlari, dotsentlar tomonidan dolzarb mavzu doirasida qilingan ma’ruzalarda ulug‘ ma’rifatparvar jadid bobolarimiz qatorida harbiy jadidlar haqida ham izlanishlar olib borilgani va erishilgan ijobiy natijalar borasida fikrlar o‘rtaga tashlandi.

Xususan, buyuk ma’rifatparvar bobolarimiz tomonidan ilgari surilgan g‘oyaviy-siyosiy, ijtimoiy-ma’rifiy va huquqiy-axloqiy qarashlar, turli millatlar va elatlar o‘rtasida bag‘rikenglik va hamjihatlik tamoyillarini qaror toptirish bilan birga, milliy manfaatlarni himoya qilish uchun ham ahamiyatli ekanligi aytib o‘tildi.

O‘zbekiston Respublikasi Qurolli Kuchlar akademiyasi tashabbusi bilan chop etilgan “Harbiy jadidlar xotirasi barhayot” kitobining taqdimoti hamda  Chirchiq Oliy tank qo’monlik muhandislik bilim yurti o‘qituvchilarining “Yangi O‘zbekistonni barpo etish yo’lida “O’zbekiston-2030” strategiyasining islohotlarini amalga oshirishda fuqarolar vatanparvarligining ahamiyati” mavzusidagi ma’ruzasi ushbu anjuman bilan chambarchas bog‘liq holda tinglovchilarga ko‘plab ma’lumotlar manbayi bo‘lib xizmat qildi.

Ma’ruzalar oralig‘ida Qarshi Davlat universiteti talabalari tomonidan “Jadid bobolarimizning ilm-ma’rifat va ma’naviy merosining vatanparvarlik tarbiyasidagi ahamiyati” mavzusida sahna ko‘rinishi ham namoyish etildi.

Janubi-g‘arbiy maxsus harbiy okrug matbuot xizmati