Surxondaryoda bayram oldi saxovat tadbirlari o‘tkazildi
2024-12-26 17:55:00 / Yangiliklar
Davlatimiz rahbari raisligida bo‘lib o‘tgan mahallalarda kambag‘allikni qisqartirish, kambag‘al oilalar bilan ishlash tizimini yangi bosqichga olib chiqish chora-tadbirlari yuzasidan o‘tkazilgan videoselektor yig‘ilishida berilgan topshiriqlar ijrosini ta’minlash maqsadida Janubi-g‘arbiy okrug tasarrufidagi qo‘mondonlikga biriktirilgan Sariosiyo va Termiz tumanlaridagi mahallalarda istiqmoat qiluvchi ijtimoiy himoyaga muhtoj oilalar holidan xabar olindi.
Xayru saxovat, mehr-oqibat, insonparvarlik singari azaliy anʼana va qadriyatlarimizni asrab-avaylash hamda yurtdoshlarimizni koʻnglini koʻtarishni maqsad qilgan harbiy xizmatchilar “Saliobod” va “Shohqishloq” mahallalarida bo‘lishdi.
Bu yerda harbiy xizmatchilar xonadon egalariga oilalarga oziq-ovqat mahsulotlari va ro‘zg‘orga kerak bo‘ladigan buyumlar ulashdi, bir nechta xonadonlarda qurilish-ta’mirlash ishlari amalga oshirildi.
Ta’kidlash joizki, murg‘ak qalb egalarining sifatli ta’lim olishi uchun taqdim etilgan o‘quv qurollari hamda bayram sovg‘alari bir olam quvonch va shodlik ulashdi.
III darajali serjant Akbar Ahmedov, Termiz garnizoni.