Qorbobo kiyimidagi harbiy orkestr jamoalari o‘z konsert dasturlarini taqdim etmoqda
2024-12-26 11:20:00 / Yangiliklar
Yaqinlashib kelayotgan yangi yil bayramini ko‘tarinki ruhda o‘tkazish, yurtdoshlarimiz kayfiyatini yanada chog‘ qilish, ularga bayram shukuhini ulashish maqsadida poytaxtimizning markaziy ko‘chalari bo‘ylab qorbobolar paradi o‘tkazildi.
Poytaxtimiz markazida jam bo‘lgan 1000 ga yaqin harbiy orkestor vakillari hamda ko‘ngillilardan iborat qorbobolar guruhi dastlab yurtimizning bosh archasi joylashgan maydon tomon yo‘l oldi. Shundan so‘ng, harbiy orkestrning jahon klassikasi va milliy estrada kuy-qo‘shiqlari ostida shaharning markaziy ko‘chalari bo‘ylab yurishini davom ettirgan qorbobo va qorqizlar yig‘ilganlarga ko‘tarinki kayfiyat, bolajonlarga o‘zgacha zavq ulashdi.
Inson yangi yilni qanday kutib olsa, keyingi bayramgacha shu kayfiyat unga hamroh bo‘ladi. Mudofaa vazirligi harbiy xizmatchilari ham hamyurtlarimizni yakuniga yetayotgan yilni ko‘tarinki ruhda o‘tkazishlariga ko‘mlashishda davom etadi.
Mudofaa vazirligi Axborot va ommaviy kommunikatsiyalar departament