O‘zbekiston Respublikasi Mudofaa vazirligi

Tadbirda professorlar, xalqaro toifadagi spiker, psixolog kabi ma’rifat targ‘ibotchilari, O‘zbekiston Respublikasi Psixologlar assotsiatsiyasi vakillari  hamda O‘zbekiston Respublikasi Yoshlar ishlari agentligi huzuridagi Yoshlar muammolarini o‘rganish va istiqbolli kadrlar tayyorlash institutining mutasaddilari ishtirok etdi.

Unda ishtirokchilarning ma’naviy-ma’rifiy bilimlarini oshirish, harbiy xizmatchilar va ularning oila a’zolarining har qanday yot g‘oyalarga nisbatan mafkuraviy immunitetini mustahkamlash hamda oilada ijtimoiy-ma’naviy muhitni barqaror bo‘lib turishda hamda farzand tarbiyasida onaning – ayol kishining o‘rni beqiyosligi haqida ma'ruzalar qilindi.

Samimiy hamda ochiq muloqot tarzida o‘tkazilgan davra suhbati davomida harbiy xizmatchilarning oila a’zolari o‘zlarini qiziqtirgan savollariga mutaxassislar tomonidan javob olishdi.

Mudofaa vazirligi Axborot va ommaviy kommunikatsiyalar departamenti