O‘zbekiston Respublikasi Mudofaa vazirligi

Tadbirning asosiy maqsadi ijtimoiy muammolarni o‘rganish, ayniqsa, yoshlarning ongida oilaning muqaddas dargoh ekanligi to‘g‘risidagi tushunchani shakllantirishga qaratilgan bo’lib, unda harbiy qism mas’ullari, Chirchiq shahar hokimligi, shahar prokuraturasi vakillari, IIB xodimlari, “Oqila ayollar” harakati rahbariyati, harbiy xizmatchilarning oila a’zolari hamda keng jamoatchilik  ishtirok etdi.

Tadbirda so‘z olganlar oilaning muqaddasligi, uning jamiyat rivojidagi o‘rni va sog‘lom muhitni ta’minlashdagi ahamiyatiga to‘xtalib o‘tdilar. Oila qo‘rg‘onining mustahkamligi jamiyatning barcha sohalarida ijobiy ta’sir ko‘rsatishi ta’kidlandi. Tadbir davomida bir guruh o‘quvchi yoshlar tomonidan raqs va musiqiy chiqishlar namoyish etildi.

Tadbir yakunida harbiy xizmatchilarning oila a’zolari va faol ishtirokchilar harbiy qism komandirining “Tashakkurnoma”si hamda esdalik sovg‘alari bilan taqdirlandi.

Toshkent harbiy okrug matbuot xizmati