"Askar onalarini sharaflaymiz!" mavzusida videomuloqot o‘tkazildi
2024-12-25 12:15:00 / Yangiliklar
Tabirda viloyat hokimligi, jamoatchilik kengashi vakillari hamda okrug ma'sul ofitserlari ishtirok etib harbiy xizmat har bir yurt o‘g‘loni uchun nafaqat muqaddas burch, balki sadoqat, matonat va jasorat maktabiga aylanganligi takidlab barchani O‘zbekiston Respublikasi Qurolli Kuchlari tashkil etilganining 33 yilligi hamda 14 yanvar - “Vatan himoyachilari kuni” bayrami bilan muborakbod etishdi.
Videomuloqotda askarlar o‘z xizmat joylari, harbiy qismdagi hayoti va yaratilgan shart-sharoitlar haqida yaqinlariga so‘zlab berdi. Shuningdek, ular o‘zlarining mahallalaridagi so‘nggi yangiliklar, oilaviy holatlar va do‘stlarining ahvoli bilan qiziqdilar.
Vatan himoyachilarining onalari ham xizmat qilayotgan farzandlari bilan videokonferens aloqa tizimi orqali real vaqt mezonida diydor uchrashib, farzandlarini bayram bilan qutlashdi va o‘zlarining sog‘inch izhorlarini bildirishdi.
Videomuloqot yakunida bilimi, namunali xulqi va harbiy qismdagi faolligi bilan ajralib turgan askarlarning ota-onalariga okrug qo‘mondonligining tashakkurnomalar bilan taqdirlandi.
Markaziy harbiy okrug matbuot xizmati