Yangi O‘zbekiston armiyasi-mamlakat tayanchi, xalqimiz faxri!
2024-12-21 18:05:00 / Yangiliklar
Xususan Jizzax, Samarqand hamda Navoiy viloyatlarining markazlaridan boshlangan bayram shukuhi bugunga kelib olis hududlarga kirib bormoqda. Garnizonlarda joylashgan harbiy qism harbiy xizmatchilari hamda harbiy orkestr jamoalaridan iborat Vatanparvarlik karvoni olis hududlarda erta tongdan minglab aholi va yoshlarni bir joyga jamlab yurish marofonlari o‘tkazishdi.
Yoshlarning qalbida ona Vatanga boʻlgan muhabbatini oshirishga qaratilgan tadbirlarda harbiy xizmatchilar yurtimizda hukm surayotgan tinch va osuda hayotni asrash, uning mustaqilligi va barqarorligiga munosib hissamizni qoʻshish – har birimizning eng asosiy vazifalarimiz boʻlib qolmogʻi lozim ekanligini aytib oʻtishdi.
Harbiy orkestr jamoasining bayramona kayfiyat ulashuvchi kuy va qoʻshiqlari barcha yigʻilganlarning dillarini hushnud etgan boʻlsa, Qurolli Kuchlar salohiyati hamda yoshlarni vatanparvarlik ruhida tarbiyalash va ularni barkamol shaxs sifatida kamol topishida ajdodlarimizning koʻrsatgan jasoratlari haqidagi sahna koʻrinishlari esa barchaning qalbida faxr va iftixor tuygʻularini uygʻotdi.
Umuman olganda harbiy vatanparvarlikka yoʻgʻrilgan festivallar va uchrashuvlar xalq va armiyani bir-biriga naqadar yaqin va mushtarak ekanini yana bir bor anglashga va har qachongidan ham teran his etish imkonini bermoqda.
Markaziy harbiy okrug matbuot xizmati