O‘zbekiston Respublikasi Mudofaa vazirligi

Ko‘rik tanlovni adolatli va shaffof tarzda o‘tishi uchun Respublika Maʼnaviyat va maʼrifat markazi, Oʻzbekiston Respublikasi Madaniyat vazirligi ijodkor yoshlar bilan ishlash boʻlimi, Mudofaa vazirligi Maʼnaviyat va madaniyat departamenti huzuridagi “Turon” harbiy davlat teatri, “Quvnoqlar va zukkolar” asatsatsiyasining vakillaridan iborat hakamlar xolis baholab bordi.

Hakamlar hay’ati jamoalarning chiqishlarini baholashda hazil-mutoyibalarning dolzarbligi, yorqinligi, musobaqa mavzusiga asoslangani, tomoshabopligi, ishtirokchilarning ijro mahorati, sahna madaniyatiga rioya etishlari, musobaqaning talab va qoidalariga qat’iy amal qilishlari kabi me'zonlarga asoslandi.

Qizg‘in va samimiy yumorga boy bo‘lgan yakuniy bosqichda ham harbiy okrug va bilim yurtlarini sharafini himoya qilgan barcha ishtirokchi jamoalar g‘oliblik uchun astoydil harakat qilishdi. Bu ezgu intilish ishtirokchilarning har bir chiqishlarining rang-barangligini ta’minladi va eng munosiblari shuhsupa uchun saralandi.

Harbiy okrug va qo‘mondonliklar o‘rtasidagi bellashuvlar yakuniga ko‘ra:

•  Sharqiy harbiy okrugning “Quvnoq desantchilar” jamoasi hamda Toifalangan obyektlarni qo‘riqlash qo‘shinlari qo‘mondonligining “Fidoiylar” jamoasi– I o‘rin;

•  Toshkent harbiy okrugning “Desantchilar” jamoasi – II o‘rin;

•  Markaziy harbiy okrugning “Artilleriya” jamoasi – III oʻrinni egalladi.

Oliy harbiy taʼlim muassasalari oʻrtasida;

•  Chirchiq oliy tank qoʻmondon-muhandislik bilim yurtining “Quvnoq tankchilar” jamoasi – I o‘rin;

•  Qurolli Kuchlar akademiyasining “Oʻzbegim” jamoasi – II o‘rin;

•  Harbiy aviatsiya institutining "Aviator" jamoasi faxrli III oʻrinni qoʻlga kiritdi.

Yakuniy bosqich gʻoliblari “Quvnoqlar va zukkolar” oʻyinining koʻchma kubogi, diplom va qimmatbaho sovgʻalari bilan taqdirlandi.

Mudofaa vazirligi Axborot va ommaviy kommunikatsiyalar departamenti