Andijon viloyatida ommaviy sayyor qabul tashkil etildi
2024-12-14 16:05:00 / Yangiliklar
Andijon viloyati Jalaquduq tumanida joylashgan harbiy qismda Respublika harbiy prokuraturasi, mamlakatimiz kuch tuzilmalariga kiruvchi vazirlik va idoralarning mas’ul shaxslari hamda Sharqiy harbiy okrug qo‘mondonligi ofitserlari ishtirokida ommaviy sayyor qabul o‘tkazildi.
Mazkur qabul harbiy xizmatchilar va ularning oilalarini ijtimoiy qo‘llab-quvvatlash, ularning yashash va xizmat sharoitlarini yaxshilashga qaratilgan muhim tashabbuslardan biri sifatida tashkil etildi.
Qabul davomida harbiy xizmatchilar va fuqarolar ijtimoiy muammoli masalalar bo‘yicha to‘g‘ridan-to‘g‘ri mas‘ullarga murojaat qilish imkoniyatiga ega bo‘lishdi. Qabul davomida 39 ta murojaatdan 11 tasi joyida ijobiy hal etildi, 8 tasiga huquqiy tushuntirish berildi, 20 tasi nazoratga olindi.
Ushbu sayyor qabul harbiy xizmatchilar va ularning oilalari uchun muhim ahamiyat kasb etib, ularning ijtimoiy muammolarini samarali hal qilishga katta hissa qo‘shdi.
Sharqiy harbiy okrug matbuot xizmati