Arancha qo‘rg‘onida “Jasorat maktabi” yig‘ini boshlandi
2024-12-07 13:55:00 / Yangiliklar
Yig‘inning tantanali ochilishida so‘z olganlar bugun davlatimiz tomonidan yoshlarga yaratilayotgan keng imkoniyatlarni alohida ta’kidlar ekan, 10 kun davomida olib boriladigan nazariy va amaliy mashg‘ulotlarda yigitlarga omad tiladi.
Rasmiy marosimdan so‘ng “Rahbar va yoshlar” uchrashuvi bo‘lib o‘tdi. Unda tegishli tashkilot mutasaddilari har bir yoshning orzu-intilishlari, reja va maqsadlarini tingladi. O‘zlarining sohaga doir maslahatlarini berib, ishtirokchilarni qiziqtirgan savollarga atroflicha javob qaytarishdi.
Oʻn kun davomida yigitlar jangovar, sport oʻyinlari, maʻnaviy-maʻrifiy tayyorgarlik, IT-texnologiyalari, tadbirkorlik hamda kasb-hunar boʻyicha mashgʻulotlar hamda turli koʻrik-tanlovlarda ishtirok etadi. Bundan tashqari, kun tartibiga ko‘ra belgilangan yig‘in rejasi asosida turli nazariy va amaliy dars mashg‘ulotlari o‘tkazilishi ham maqsad qilingan.
Bir so‘z bilan aytganda, yig‘in tashkilotchilari tomonidan bugun bir maydonga yig‘ilgan yoshlar uchun yangi bilimlarni berish va har bir daqiqadan unumli foydalanishga asosiy e’tibor qaratilgan.
Toshkent harbiy okrug matbuot xizmati