O‘zbekiston Respublikasi Mudofaa vazirligi

Taekvondo WT boʻyicha ikki karra Olimpiya oʻyinlari chempioni Mudofaa vazirligi Sport markazi sportchisi leytenant Ulugʻbek Rashitov joriy yil jahon miqyosida yilning eng yaxshi erkak taekvondochisi deb topildi. Sovrin sportchimizga Gonkongda oʻtayotgan pumse boʻyicha jahon chempionati arafasida topshirildi.

Ushbu nominatsiya gʻolibi butun dunyo boʻyicha ovoz berish yoʻli bilan aniqlandi. Quvonarlisi, bu oʻzbek taekvondochilarining jahon miqyosida ilk bor mana shunday nufuzli sovrinni qoʻlga kiritishi boʻldi. Boisi, shu paytgacha hech bir hamyurtimiz Butunjahon taekvondo federatsiyasi tomonidan bunday e’tirofga sazovor boʻlmagan edi.

Oʻzbekiston Mudofaa vazirligi ushbu yuksak sovrin bilan Ulugʻbek Rashitov va mamlakat taekvondo assotsiatsiyasini samimiy qutlaydi.