O‘zbekiston Respublikasi Mudofaa vazirligi

Qo‘shinlar jangovar shayligi va tayyorgarligini yanada oshirish, shaxsiy tarkib o‘rtasida sog‘lom raqobat muhitini yaratish orqali kasbiy mahoratni takomillashtirishga qaratilgan ko‘rik-tanlov bir necha yildan buyon an’anaviy tarzda o‘tkazib kelinmoqda. Joriy yilda ham musobaqaga jiddiy tayyorgarlik ko‘rilgani ilk shartlardayoq yaqqol ko‘zga tashlandi. Jarayon keskin, murosasiz, qizg‘in bahslarga boy bo‘ldi. 

Xususan, umumharbiy nizomlar va ma’naviy ma’rifiy tayyorgarlik mavzulari bo‘yicha test sinovlari, taktik va jismoniy tayyorgarlik me’yorlarni bajarish, o‘tochar qurollardan otish kabi yo‘nalishlarda barcha ishtirokchilar faol ishtirok etdi. 

Ko‘rik-tanlovning respublika bosqichi g‘olib va sovrindorlari Vatan himoyachilari kuni munosabati bilan o‘tkaziladigan asosiy bayram tadbirida e’lon qilinadi va taqdirlanadi.

Ma’lumot uchun, respublika bosqichi g‘olib va sovrindorlariga:

• 1-o‘rin uchun – I darajali diplom va lavozim maoshining uch baravari miqdorida bir yo‘la to‘lanadigan pul mukofoti hamda navbatdagi malaka toifasi;
• 2-o‘rin uchun – II darajali diplom va lavozim maoshining ikki baravari miqdorida bir yo‘la to‘lanadigan pul mukofoti;
• 3-o‘rin uchun – III darajali diplom va lavozim maoshining bir baravari miqdorida bir yo‘la to‘lanadigan pul mukofoti beriladi. 

Shuningdek, ko‘rik-tanlovning respublika bosqichi g‘oliblari harbiy ta’lim muassasalariga tanlovdan tashqari o‘qishga kirish, yuqori lavozimga tayinlash uchun kadrlar zaxirasiga kiritish kabi imtiyozlarga ham ega bo‘ladi. 

Mudofaa vazirligi Axborot va ommaviy kommunikatsiyalar departamenti