O‘zbekiston Respublikasi Mudofaa vazirligi

Suhbat davomida o‘quvchilarning 2 nafari kelgusida oliy harbiy ta’lim muassasasida o‘qish istagi borligini aytgandi. Xususan, ularning biri Qurolli Kuchlar akademiyasi kursanti bo‘lishni, ikkinchisi esa Farg‘ona “Temurbeklar maktabi”da o‘qishini davom ettirish niyatida ekanini bildirib, bu bo‘yicha o‘z fikrlarini ma’lum qilgan. Shundan so‘ng, davlatimiz rahbari tomonidan yoshlarning ezgu maqsadlari qo‘llab-quvvatlanib, mas’ullarga tegishli ko‘rsatmalar berildi.

Bugun, 5-noyabr kuni Navoiy shahridagi 22-sonli umumta’lim maktabiga  Qurolli Kuchlari akademiyasi va Farg‘ona “Temurbeklar maktabi” rahbarlari shaxsan tashrif buyurib, muassasadagi shart-sharoitlar bilan yaqindan tanishdi. O‘quvchilar va ularning ota-onalari bilan uchrashuv o‘tkazildi.

Samimiy va ochiq muloqotlar davomida rahbarlar Qurolli Kuchlarimiz tizimida olib borilayotgan islohotlar xususida to‘xtalib, oliy harbiy ta’lim muassasalarida yaratilgan shart-sharoitlar, milliy armiyamizda harbiy xizmatchilar va ularning oila a’zolariga berilayotgan imtiyozlar haqida ma’lumotlar berib o‘tishdi. O‘quvchi-yoshlarni qiziqtirgan savollarga atroflicha javob qaytarilib, kerakli taklif va tavsiyalar berildi.

Uchrashuv yakunida harbiy oliy ta’lim muassasalarida o‘qish istagini bildirgan yoshlarga maxsus sertifikatlar topshirildi.

Mudofaa vazirligi Axborot va ommaviy kommunikatsiyalar departamenti