O‘zbekiston Respublikasi Mudofaa vazirligi

Sport bilan muntazam shug‘illanishda to‘g‘ri ovqatlanish ratsioniga rioya qilish ham katta ahamiyatga ega. Shunday ekan, xalqaro darajadagi shifokor, nutrisiolog, valiolog Baxtiniso Azimovaning tanada ortiqcha vazn yig‘maslik va undan xolos bo‘lish usullari bo‘yicha qilgan ko‘rgazmali ma’ruzasi anjuman ishtirokchilarini bafarq qoldirmadi. Ayniqsa, ozish uchun parhez qilayotgan insonlar xato qilayotganligini ta’kidlagan mutaxassisga ishtirokchilar tomonidan savollarning yog‘ila boshlagani ham ma’ruzaning bugungi kunda naqadar dolzarbligini ko‘rsatadi. Mutaxassisning fikriga ko‘ra, inson tanasi ham qurilish binosiga o‘xshaydi. Barcha qurilish xomashyosi to‘liq yetkazib berilmasa, bino ham bitmaydi.  

Darhaqiqat, ozish uchun parhez saqlaydigan inson tanasiga kerakli qaysidir mahsulotning yetishmasligiga sabab bo‘ladi. Hamda boshqa bir kasallikning kelib chiqishiga zamin yaratadi. Aslida to‘g‘ri ovqatlanish semirishga olib kelmaydi. Parhez, kasal insonni tuzalib ketgunicha shifokorlar tomonidan vaqtinchalik taqiq holos. Buni mutaxassis bilan maslahatlashgan holda amalga oshirish lozim. Uchrashuvdagi shu kabi ma’ruzalar qiziqarli savol-javoblarga ulanib ketdi.

Uchrashuvning asosiy qismida boks bo‘yicha O‘zbekiston terma jamoasi katta murabbiyi Farruh Qilichev, Parij-2024 yozgi olimpiada o‘yinlarining ishtirokchisi To‘rabek Habibullayev hamda yoshlar o‘rtasida jahon chempioni, ikki karra O‘zbekiston va Osiyo chempioni kichik serjant Jahongir Zokirovlar bilan qiziqarli davra suhbati bo‘lib o‘tdi.

Mudofaa vazirligi Axborot va ommaviy kommunikatsiyalar departamenti