Qarshi shahrida 300 nafarga yaqin o‘quvchilarga “Vatan tayanchi” ko‘krak nishonlari topshirildi
2024-10-26 09:30:00 / Yangiliklar
Tadbirda Janubi-g‘arbiy maxsus harbiy okrugi qo‘mondonligi, Mudofaa vazirligi “Vatan tayanchi” bolalar va o‘smirlar harbiy-vatanparvarlik harakati rahbariyati, Yoshlar ittifoqi viloyat Kengashi, Maktabgacha va maktab ta’limi boshqarmasi, okrug faxriylari, keng jamoatchilik vakillari hamda o‘quvchi yoshlar ishtirok etdi.
So‘z olganlar harakat a’zolariga samimiy tilak bildirib, kelgusida o‘z tengdoshlari orasida haqiqiy vatanparvar, yetakchi va tashkilotchi bo‘lishlariga ishonch bildirishdi.
Tadbirda harbiy orkestr jamoasining musiqali, faxriy qorovulning esa ko‘rgazmali chiqishlari qatnashchilarga yuqori kayfiyat ulashdi. Shu bilan birga, kun davomida tashkil etilgan qurol-aslahalar ko‘rgazmasi yoshlarda katta qiziqish uyg‘otdi.
Janubi-gʻarbiy maxsus harbiy okrug matbuot xizmati