O‘zbekiston Respublikasi Mudofaa vazirligi

Yig‘inda yigitlar har tongni badantarbiya mashg‘ulotlar bilan boshlab, kun davomida jismoniy, jangovar va saf tayyorgarligi kabi o‘quv mashg‘ulotlarida, shuningdek, dunyo va mintaqadagi harbiy-siyosiy vaziyat tahlillariga qaratilgan darslarda ishtirok etib, bilim va ko‘nikmalarini oshirib borishdi.

Bundan tashqari, “Ishga marhamat” monomarkazi, harbiy qism ta’mirlash guruhlaridagi xodimlar tomonidan yoshlarning bandligini ta’minlashga qaratilgan amaliy mashg‘ulotlar o‘tkazilib, unda yoshlar malakali mutaxassislar yordamida santexnika, chilangarlik, tadbirkorlik hamda kompyuter savodxonligi bo‘yicha saboq olishdi. 

Yig‘in doirasida harbiylikka qiziqishi yuqori bo‘lgan yoshlarning kelajagi ham alohida inobatga olingan bo‘lib, bu borada okrug qo‘mondonligi bilan ochiq muloqotlar tashkil etildi. Uchrashuvlar natijasida muddatli harbiy xizmatga borish, kontarkt asosida xizmatni davom ettirish hamda harbiy guvohnoma olish istagidagi yoshlarning murojaatlari qonoatlantirildi.

Bundan tashqari yoshlarning sport bilan muntazam shug‘ullanishlari uchun “Qo‘mondon kubogi” uchun “Harbiy estafeta”, “Viloyat hokimi kubogi” uchun “Milliy kurash”, viloyat IIB boshlig‘i kubogi uchun “Voleyboll” hamda “Yoshlar ishlari agentligi boshlig‘i kubogi” uchun “Shaxmat va shashka” o‘yinlari tashkil etildi.

O‘quv yig‘inning tantanali yopilish marosimida yigitlarga egallagan kasb-hunari bo‘yicha sertifikatlar, shuningdek, tashkil etilgan musobaqalarda g‘olib bo‘lgan jamoalarga qimmatbaho sovg‘alar hamda harbiy guvohnomalar topshirildi.

Markaziy harbiy okrug matbuot xizmati