Özbekiston va Rossiya mudofaa vazirlari harbiy hamkorlik masalalarini muhokama qildi
2026-11-20 16:15:00 / Yangiliklar

Taşrif doirasida Özbekiston Respublikasi mudofaa vaziri general-mayor Botir Qudratxöjayev Xorazm viloyatining qadimiy Xiva şahrida rossiyalik hamkasbi bilan uçraşuv ötkazdi.
Muloqot avvalida Özbekiston mudofaa vaziri delegatsiya a’zolarini yurtimizda qutlab, ikki davlat örtasida turli sohalarda izçil rivojlanib borayotgan aloqalar, xususan, mudofaa yönalişidagi hamkorlik özaro munosabatlarni yanada mustahkamlaşda muhim ahamiyat kasb etişini ta’kidladi.
Suhbat çoğida Özbekiston va Rossiya örtasidagi harbiy hamkorlikning joriy holati, erişilgan natijalar hamda istiqboldagi ustuvor vazifalar yuzasidan atrofliça fikr almaşildi. Şuningdek, mudofaa sohasidagi özaro manfaatli munosabatlarni yangi yönalişlar bilan boyitiş, mavjud aloqalarning samaradorligini oşiriş masalalariga alohida e’tibor qaratildi.
Uçraşuv yakunida harbiy hamkorlik kölamini kengaytiriş, özaro aloqalarni mustahkamlaş hamda istiqbolli taşabbuslarni röyobga çiqarişga qaratilgan qator hujjatlar ikki mamlakat mudofaa vazirlari tomonidan imzolandi.
Rasmiy tadbirlar nihoyasida Rossiya harbiy delegatsiyasi vakillari qadimiy Xivaning tarixiy-me’moriy yodgorliklari bilan tanişdi. Mehmonlarga asrlar qa’ridan bugungi kungaça yetib kelgan me’morçilik namunalari, milliy bunyodkorlik an’analari va betakror madaniy merosimiz haqida ma’lumot berildi.
Mudofaa vazirligi Axborot va ommaviy kommunikatsiyalar departamenti



