Muddatli harbiy xizmatchilarni kontrakt bo‘yicha harbiy xizmatga saralash ishlari boshlandi
2026-10-27 16:50:00 / Yangiliklar
Mudofaa vazirligi Harbiy-kasbiy saralash boshqarmasi tomonidan tashkil etilayotgan mazkur tadbirlar Qurolli Kuchlar safini qobilyatli, jismonan chiniqqan, kasbiy tayyorgarlikka ega va yuksak mas’uliyat tuyg‘usiga ega harbiy xizmatchilar bilan to‘ldirishga qaratilgan.
Saralash jarayonida nomzodlarning jismoniy tayyorgarligi, ma’naviy-ma’rifiy bilimi hamda individual-psixologik xususiyatlari belgilangan mezonlar asosida baholanmoqda. Sinovlar davomida ularning jismoniy imkoniyatlari, ruhiy barqarorligi, mas’uliyat hissi va harbiy xizmat talablariga muvofiqligi o‘rganilmoqda.
Kontrakt bo‘yicha harbiy xizmatni tanlash yoshlar zimmasiga katta mas’uliyat yuklash bilan birga, ularning kasbiy salohiyatini ro‘yobga chiqarish, harbiy bilim va ko‘nikmalarini mustahkamlash hamda tajribasini oshirish uchun muhim imkoniyat yaratadi.
Saralash tadbirlari belgilangan talablar asosida davom etmoqda.
Shimoli-g‘arbiy harbiy okrug matbuot xizmati