“Yoshlar — giyohvandlikka qarshi!” shiori ostida ochiq eshiklar kuni o‘tkazildi
2026-10-17 12:05:00 / Yangiliklar
Tadbir davomida yoshlarga giyohvandlikning inson salomatligi, hayoti va kelajagiga salbiy ta’siri haqida batafsil tushunchalar berilib, ularni sog‘lom turmush tarziga rioya qilishga hamda zararli illatlardan yiroq bo‘lishga chaqirildi.
Shuningdek, yoshlar harbiy qismda mavjud jangovar qurol-aslaha va harbiy texnikalar bilan yaqindan tanishdilar. Harbiy xizmatchilar tomonidan ularning vazifalari va imkoniyatlari haqida ma’lumotlar berilib, harbiy xizmatning sharafli jihatlari, Vatanga sadoqat va vatanparvarlik tuyg‘ularining ahamiyati haqida so‘z yuritildi.
Mazkur tadbir yoshlarning harbiy sohaga bo‘lgan qiziqishini oshirish, ularda vatanparvarlik tuyg‘ularini mustahkamlash, shuningdek, sog‘lom turmush tarzini targ‘ib etish hamda Vatan himoyasidek sharafli kasbga bo‘lgan hurmatini yuksaltirishga xizmat qildi.