O‘zbekiston Respublikasi Mudofaa vazirligi

Unda Oʻzbekiston Respublikasi Prezidenti huzuridagi Xavfsizlik kengashi kotibi, mudofaa vaziri, vazir oʻrinbosarlari, keng jamoatchilik vakillari, harbiy xizmatchilar, Qurolli Kuchlar xizmatchilari hamda faxriylar ishtirok etdi.

Tantanali tadbir davomida bugungi kunda yurtimizda taʼlim tizimidagi ulkan oʻzgarishlar, ayniqsa, harbiy taʼlimdagi misli koʻrilmagan darajadagi oʻzish va yuksalishlarning zamirida muhtaram Yurtboshimiz tomonidan olib borilayotgan tizimli siyosat yotganini, bu yoʻlda aziz va hurmatli murabbiylarimizning mashaqqatli mehnati borligini iftixor bilan taʼkidlab oʻtdi. 

Shu bilan birga, mudofaa vaziri oʻz nutqida taʼlim-tarbiya sohasida mehnat qilayotgan ustoz-murabbiylarni tabriklash asnosida har bir millatning saodati shu zahmatkash insonlarning yosh avlodga baxshida etadigan ilm-u maʼrifati bilan bogʻliqligini, Prezidentimiz taʼkidlaganlaridek, eng katta boyligimiz yoshlar ekanini, chunonchi, vazirlik tizimida erishilayotgan har bir muvaffaqiyatlar zamirida ustozlarning betinim mehnati borligini, ularni bundan keyin ham doimo qoʻllab-quvvatlanishini gʻurur bilan tilga oldi. 

Shundan soʻng mudofaa vazirining tegishli buyrugʻi oʻqib eshittirildi. Unga koʻra eng avvalo 2024-yil oliy harbiy taʼlim muassasalarining professor-oʻqituvchilarining pedagogik faoliyatini va kasbiy oʻsishini qoʻllab-quvvatlash hamda “Yilning eng ilgʻor oʻqituvchisi” koʻrik-tanlovida gʻoliblari, bir guruh harbiy xizmatchilar, Qurolli Kuchlar xizmatchilari va faxriylar qimmatbaho va esdalik sovgʻalari, faxriy yorliq bilan taqdirlandi.

Mudofaa vazirligi Axborot va ommaviy kommunikatsiyalar departamenti