O‘zbekiston va Ozarbayjon o‘rtasidagi harbiy hamkorlikni istiqbollari belgilab olindi
2026-09-30 19:25:00 / Yangiliklar
Avval xabar berganimizdek, O‘zbekiston Respublikasi mudofaa vaziri general-leytenant Shuxrat Xalmuxamedov boshchiligidagi O‘zbekiston delegatsiyasi Ozarbayjon Respublikasiga amaliy tashrifi doirasida Ozarbayjon mudofaa vaziri general-polkovnik Zokir Hasanov bilan uchrashdi.
Uchrashuv davomida tomonlar O‘zbekiston va Ozarbayjon o‘rtasidagi ikki tomonlama harbiy hamkorlik do‘stona va qardoshlik munosabatlariga asoslanganini ta’kidlashdi. Shuningdek, ikki mamlakat armiyalarini rivojlantirish va mustahkamlashda hamkorlikning ahamiyati qayd etildi.
Tomonlar harbiy va harbiy ta’lim sohalaridagi hamkorlik, shuningdek, mudofaa sohasidagi boshqa masalalar yuzasidan atroflicha fikr almashdi.
Uchrashuv yakunida O‘zbekiston Respublikasi Mudofaa vazirligi va Ozarbayjon Respublikasi Mudofaa vazirligi o‘rtasida 2027-yilga mo‘ljallangan ikki tomonlama harbiy hamkorlik rejasi imzolandi.