O‘zbekiston Respublikasi Mudofaa vazirligi

Mashg‘ulot davomida mavsumiy texnik xizmat ko‘rsatishning mazmun-mohiyati, uni belgilangan muddatlarda va sifatli tashkil etishning ahamiyati haqida batafsil ma’lumot berildi. Shuningdek, harbiy texnika va jihozlarni kuz-qish mavsumiga tayyorlash jarayonida bajariladigan asosiy ishlar amaliy tarzda namoyish etildi.
Ta’kidlanganidek, harbiy texnika va qurol-aslahalarning doimo soz hamda jangovar shay holatda bo‘lishi bo‘linmalarning barqaror faoliyatini ta’minlovchi muhim omillardan biridir. Shu bois texnik vositalarga mavsumiy xizmat ko‘rsatish jarayonlarini sifatli tashkil etish, ehtimoliy nosozliklarning oldini olish hamda texnikalarning turli ob-havo sharoitlarida ishonchli ishlashini ta’minlashga alohida e’tibor qaratildi.
Ko‘rgazmali mashg‘ulot yakunida harbiy xizmatchilarga mavsumiy texnik xizmat ko‘rsatish ishlarini belgilangan talablar asosida tashkil etish, texnikalardan foydalanishda xavfsizlik qoidalariga qat’iy rioya qilish va ularning sozligini muntazam nazorat qilib borish yuzasidan tegishli tavsiyalar berildi.
Toshkent harbiy okrugi matbuot xizmati