O‘zbekiston Respublikasi Mudofaa vazirligi

Mazkur Xalqaro musobaqada qoʻlga kiritilgan ushbu yuksak natija munosabati bilan Mudofaa vazirligi Markaziy apparatida xalqaro musobaqa gʻoliblarini munosib taqdirlashga bagʻishlangan tantanali marosim boʻlib oʻtdi. 
Tadbirda mudofaa vazirining birinchi oʻrinbosari – Qurolli Kuchlar Bosh shtabi boshligʻi general-mayor Zaynobiddin Iminov Oʻzbekiston Respublikasi Qurolli Kuchlarini yanada takomillashtirish, uning jangovar salohiyati va professional tayyorgarligini yuksaltirish borasida amalga oshirilayotgan keng koʻlamli islohotlar oʻz samarasini berayotganini alohida taʼkidladi. 
Xususan, harbiy xizmatchilarning kasbiy mahoratini oshirish, zamonaviy jangovar tayyorgarlik usullarini keng joriy etish, harbiy taʼlim tizimini takomillashtirish hamda yosh avlod vakillarining harbiy sohada oʻz salohiyatini namoyon etishi uchun yaratilayotgan imkoniyatlar haqida fikrlar bildirildi.
Taʼkidlanganidek, xalqaro miqyosdagi bunday musobaqalarda yuqori natijalarning qoʻlga kiritilishi harbiy xizmatchilarning puxta tayyorgarligi, yuksak mahorati va zamonaviy talablar asosida tashkil etilgan mashgʻulotlarning samaradorligini namoyon etadi.
Tadbir davomida “Xalqaro ilmiy jangovar tayyorgarlik” musobaqasida Oʻzbekiston sharafini munosib himoya qilib, mamlakatimiz terma jamoasi safida gʻoliblikni qoʻlga kiritgan harbiy xizmatchilarga esdalik sovgʻalar tantanali ravishda topshirildi.
Mudofaa vazirligi Axborot va ommaviy kommunikatsiyalar departamenti