Samarqandda “Challenge Samarkand — 2026” xalqaro triatlon musobaqasi yakunlandi
2026-09-15 15:15:00 / Yangiliklar
Samarqand shahrida triatlon bo‘yicha nufuzli “Challenge Samarkand – 2026” xalqaro musobaqasining asosiy bahslari yuqori saviyada o‘tkazildi.
Musobaqada dunyoning turli davlatlaridan tashrif buyurgan professional va havaskor sportchilar ishtirok etib, o‘zlarining jismoniy tayyorgarligi va sport mahoratini namoyish etdi. Qizg‘in va murosasiz kechgan bellashuvlar yakunida havaskorlar o‘rtasida yakka tartibdagi, jamoaviy hamda turli yosh toifalarida g‘olib va sovrindorlar aniqlandi.
Xalqaro musobaqada O‘zbekiston sharafini munosib himoya qilgan vakillarimiz ham yuqori natijalarga erishdi. Jumladan, Jizzax garnizonidagi harbiy qism harbiy xizmatchisi, oddiy askar Bunyod Muhiddinov jamoaviy yo‘nalishdagi yugurish bahslarida muvaffaqiyatli ishtirok etib, musobaqa g‘olibligini qo‘lga kiritdi.
Markaziy harbiy okrug matbuot xizmati