Özbekiston Respublikasi Mudofaa vazirligi

Tadbir Sirdaryo viloyati hokimligi, Toshkent harbiy okrugi qo‘mondonligi, viloyat Mudofaa ishlari boshqarmasi, viloyat sog‘liqni saqlash boshqarmasi hamda O‘zbekiston yoshlar ittifoqi Sirdaryo viloyati Kengashi hamkorligida o‘tkazildi.
Bayram tadbirida O‘zbekiston Respublikasi Mudofaa vazirligi Maxsus avariya tiklash boshqarmasining “Impuls” harbiy ansambli jamoasi ham faol ishtirok etdi.
Harbiy ansambl tomonidan ijro etilgan Vatan, ona zamin, tinchlik va xalqimizning bunyodkorlik ruhini tarannum etuvchi kuy-qo‘shiqlar bayram tadbiriga o‘zgacha fayz va ko‘tarinki kayfiyat bag‘ishladi. Jo‘shqin musiqiy asarlar, vatanparvarlik ruhidagi taronalar hamda dilbar kuylar yig‘ilganlarni bir maqsad — Vatanga muhabbat, yurt tinchligi va xalq farovonligiga daxldorlik tuyg‘usi atrofida birlashtirdi.
Ansambl xonandalari tomonidan yangragan Vatan va mustaqillikni madh etuvchi qo‘shiqlar tadbir ishtirokchilarida ona yurtga mehr, milliy g‘urur va faxr tuyg‘ularini yanada kuchaytirdi. Kuy-qo‘shiqlar jaranglagan lahzalarda zalda bayramona ruh, samimiy tabassum va ko‘tarinki kayfiyat hukm surdi.
Tadbir davomida shifokorlar va bemorlar uchun unutilmas lahzalar yaratilib, Mustaqillik bayramining mazmun-mohiyati, yurtimizdagi tinchlik va osoyishtalik, xalqimizning farovon hayoti hamda Vatanimizning yorqin kelajagiga bo‘lgan ishonch tarannum etildi.
Toshkent harbiy okrugi matbuot xizmati