O‘zbekiston Respublikasi Mudofaa vazirligi

Tadbirda Shimoli-gʻarbiy harbiy okrug qoʻshinlari qoʻmondoni barchani istiqlolimizning 33 yillik shodiyonasi bilan muborakbod etdi. Qoʻmondon tabrik soʻzida biz uchun yangi davr, erkin va ozod hayotni boshlab bergan shu qutlugʻ sanada xalqimiz qanday mashaqqatli va ayni vaqtda sharafli yoʻlni bosib oʻtganini yana bir bor chuqur his etishimizni taʼkidladi.

Taʼkidlash joizki, tarixan qisqa davrda Oʻzbekiston jahon hamjamiyatida munosib oʻrin egallagab, xalqimiz turmush darajasi, farzandlar kelajagi yoʻlida qilinayotgan salmoqli ishlar bugun oʻz mevasini bermoqda. 33 yillik davrda mamlakatimiz taraqqiyot yoʻli, amalga oshirilgan bunyodkorlik ishlari, qoʻlga kiritilgan yutuqlar zamirida mehnatkash xalqimiz, bunyodkor yurtdoshlarimiz, yurtning buguni va kelajagi uchun fidoyilik namunalarini koʻrsatib kelayotgan vatandoshlarimizning mehnati mujassam.

Bayram munosabati bilan bir guruh harbiy xizmatchilar va Qurolli Kuchlar ishchi-xizmatchilari hamda harbiy pensionerlar Oʻzbekiston Respublikasi Mudofaa vazirligi rahbariyati tomonidan “Namunali xizmati uchun” koʻkrak nishoni, mudofaa vazirining esdalik nishoni, Shimoli-gʻarbiy harbiy okrug qoʻshinlari qoʻmondonligi tomonidan faxriy yorliq va qimmatbaho sovgʻalar bilan taqdirlandi.

Qoraqalpogʻiston Respublikasi Madaniyat vazirligi hamda harbiy sanʼatkorlar ishtirokidagi bayramona konsert dasturi, harbiy xizmatchilar farzandlarining koʻrgazmali chiqishlari yigʻilganlarga xushkayfiyat ulashdi.

Shimoli-gʻarbiy harbiy okrug matbuot xizmati