O‘zbekiston Respublikasi Mudofaa vazirligi

Festival doirasida "Biz yagona Vatan farzandlarimiz", "Oʻzbekiston — yagona Vatan", "Qoʻshnichilik va bagʻrikenglik saboqlari" mavzularida davra suhbatlari oʻtkazildi. Ularda harbiy xizmatchilar, davlat va jamoat tashkilotlari vakillari, nuroniylar, yoshlar hamda milliy madaniy markazlar faollari ishtirok etib, Yangi Oʻzbekistonda millatlararo totuvlik, oʻzaro hurmat va bagʻrikenglikni mustahkamlash borasida amalga oshirilayotgan islohotlar yuzasidan fikr almashdilar.
Tadbirda taʼkidlanganidek, bugungi kunda mamlakatimizda turli millat va elat vakillari yagona maqsad — Vatan ravnaqi, xalq farovonligi va yurt tinchligi yoʻlida ahil va inoq hayot kechirib, bunyodkorlik jarayonlariga munosib hissa qoʻshmoqda. Ana shunday hamjihatlik va oʻzaro ishonch Yangi Oʻzbekiston taraqqiyotining muhim omillaridan biri sifatida eʼtirof etildi.
Festivalning badiiy qismida turli millat vakillari ijrosida xalq kuy-qoʻshiqlari, milliy raqslar hamda urf-odatlarni aks ettiruvchi sahna koʻrinishlari namoyish etildi. Rang-barang madaniy chiqishlar xalqimizning boy madaniy merosi, milliy qadriyatlari va bagʻrikenglik anʼanalarini yorqin ifoda etdi.
Shuningdek, milliy madaniyat, hunarmandchilik va amaliy sanʼat namunalari koʻrgazmasi tashkil etilib, ishtirokchilarga yurtimizning boy tarixiy-madaniy merosi namoyish qilindi. Yoshlar oʻrtasida sport musobaqalari, harbiy-vatanparvarlik ruhidagi koʻrgazmali chiqishlar hamda turli tanlovlar oʻtkazildi. Mazkur tadbirlar yoshlarni sogʻlom turmush tarziga keng jalb etish, ularda vatanparvarlik, sadoqat va fidoyilik fazilatlarini yanada mustahkamlashga xizmat qildi.
Oʻtkazilgan "Doʻstlik festivali" millatlararo totuvlik va bagʻrikenglik gʻoyalarini keng targʻib etish, jamiyatda oʻzaro hurmat va hamjihatlik muhitini yanada mustahkamlashga xizmat qilgan muhim maʼnaviy-maʼrifiy tadbirlardan biri boʻldi.
Shimoli-gʻarbiy harbiy okrug matbuot xizmati