O‘zbekiston Respublikasi Mudofaa vazirligi

Tadbirning ochilish marosimida so‘zga chiqqan mas’ullar sport ishlari ko‘rigi sog‘lom turmush tarzini targ‘ib etish, mustahkam iroda, yuksak intizom va jamoaviy hamjihatlikni mustahkamlashga xizmat qilishini ta’kidladilar. Shuningdek, harbiy xizmatchilarning jismoniy tayyorgarligi jangovar shaylikni ta’minlashning eng muhim omillaridan biri ekani alohida qayd etildi.

Ishtirokchilarga musobaqalar davomida intizom, matonat, yuksak jismoniy tayyorgarlik va harbiy mahoratni namoyon etishlariga ishonch bildirilib, ularga mustahkam sog‘liq, yuksak jangovar ruh, kuch-g‘ayrat hamda omad tilandi.

Ko‘rikning ilk kunidayoq dastlabki sinovlarga start berildi. Bir necha kun davom etadigan musobaqalarda ishtirokchilarning tezkorligi, kuchi, chaqqonligi, chidamliligi hamda jamoaviy hamkorlik ko‘nikmalari kompleks tarzda baholanadi.

Mazkur sport sinovlari harbiy xizmatchilarning jismoniy tayyorgarligini yanada mustahkamlash, jangovar vazifalarni samarali bajarish salohiyatini oshirish, shuningdek, ularda yuksak mas’uliyat, qat’iyat va g‘alabaga intilish fazilatlarini shakllantirishga xizmat qiladi.

Musobaqa yakunlariga ko‘ra eng munosib ishtirokchilar “Harbiy sportchi” maqomiga sazovor bo‘ladilar.

Mudofaa vazirligi Axborot va ommaviy kommunikatsiyalar departamenti