O‘zbekiston Respublikasi Mudofaa vazirligi

Nufuzli xalqaro tadbirda O‘zbekiston, Qirg‘iziston, Ozarbayjon, Rossiya davlatlari jamoalari hamda mezbon Qozog‘iston Respublikasining 53 ta jamoasi, jami 59 ta jamoa ishtirok etdi.
Mazkur musobaqada O‘zbekiston Respublikasi Mudofaa vazirligi huzuridagi “Vatan tayanchi” harakati a’zolaridan tashkil topgan jamoa munosib ishtirok etib, 9 ta yo‘nalish bo‘yicha o‘tkazilgan bellashuvlarda yuqori natijalarni qayd etdi.
Jumladan:
-turnikda tortilish — 2-o‘rin;
-“Smart sarbaz” robototexnika tanlovi — 3-o‘rin;
-AK-74 avtomatini qismlarga ajratish va yig‘ish — 1-o‘rin;
-harbiylashtirilgan kross — 1-o‘rin;
-“Bilimdonlar bellashuvi” (Qozog‘iston tarixi bo‘yicha) — 3-o‘rin;
-pnevmatik quroldan otish — 3-o‘rin;
-harbiylashtirilgan estafeta — 1-o‘rin;
-50 metr masofaga erkin usulda suzish — 4-o‘rin;
-arqon tortish — 4-o‘rin.
Musobaqaning umumiy natijalariga ko‘ra:
 1-o‘rin — Qozog‘iston Respublikasi jamoasi;
 2-o‘rin — O‘zbekiston Respublikasi jamoasi;
3-o‘rin — Ozarbayjon Respublikasi, Rossiya Federatsiyasi hamda Qirg‘iz Respublikasi jamoalari.
Musobaqaning tantanali yopilish marosimida Qozog‘iston Respublikasi Prezidenti Qasim-Jomart Toqayev ishtirok etib, ushbu xalqaro yig‘in do‘st va qardosh davlatlar yoshlari o‘rtasidagi hamkorlikni mustahkamlash, ularning jismoniy va ma’naviy tayyorgarligini oshirish, vatanparvarlik tuyg‘ularini yanada rivojlantirishda muhim ahamiyat kasb etayotganini ta’kidladi hamda sovrinli o‘rinlarni egallagan jamoalarni muborakbod etdi.
Marosim yakunida mezbon davlat san’atkorlari ishtirokida bayramona konsert dasturi namoyish etildi.